Rozpòrządzenim Prezydenta Rzeczëpòspòliti Pòlsczi z dnia 22 zélnika 2003 rokù môl ë bùdinczi dôwny Wòjskòwi Tranzytowi Składnicë òstałë ùznóné za pòminik historie: „Pole Bitwy na Westerplatte”. Célã òchrónë pòmnika historie je zachòwanié rzôdczich historëcznëch wôrtnotów, przestrzennëch materialnëch ë niematerialnëch, jaczé są céchã bòjatérstwa ë walecznoscë pòlsczégò żôłnérza òb czas II Swiatowi Wòjnë – nôwikszi z wòjnów XX stalata (Dz U. Nr 148 poz. 1448).
Z wiela znónëch môlów biôtków z II Swiatowi Wòjnë w Pòlsce le Westerplatte zachòwało swą òriginalną pòzwã. Nawetka kòmùniscë, chtërnëch doch ò przedséwnikòwé sentimentë pòsaãzac tak pò prôwdze nie je nót, ni mielë òdwôdżi ji spòlaszëc. Temù téż nie znikwilë céchù mãstwa, jaczim òbróna półwëspë bëła òd samégò pòczątkù. Jednakò zrobilë wiele, bë zjinaczëc òbrôz wëdarzeniów ë nieòdwrôcalno zniszczëc môl historëczny bitwë.
Wszëtczim, chtërnym blëskô je ùdba kùltiwòwaniô tradycje ë codniowégò a nié dlô òka patriotizmù, Westerplatte to nie je zwëczjany plac bitwë. To céch òdwôdżi, hònoru, òdpòwiedzalnoscë, bòjatérstwa a téż bólu, cerpieniów ë zwiątpieniów, ë waraniô na pòsterunkù. Temù téż niezwëczajno wôżné je pòkôzanié, òsoblëwie młodim lëdzóm, cwëkù ti biôtczi, bë pamiãc ò biôtce Westerplatticzków nigdë nie zadżinãła.
Òstało napisónëch wiele ksążków ò òbrónie na Westerplatte w séwnikù 1939 rokù, jak téż jinszich aspektach nierozerwalno z nią sparłãczonëch. Na pùblikacjô nie je pòstãpną próbą òdpòwiescë na trôpiącé nas pitania. Mô leno pòdac nôwôżniészé faktë na nôbarżi zrozmiałi ôrt.

Turisticzny Szlach „Westerplatte” zaczinô sã w môlu, dze je pasażersczi pòrt dlô bôtów „Białej Floty” kòl Nabrzeżégò Òbróńców Westerplatte, a kùńczi sã na kòpcu kòl Pòmnika Òbróńców Wëbrzeżégò. Równak mòże téż zaczic zwiedzanié òd wëbrónégò bùdinkù. Przeńscé szlachù warô kòle dwùch gòdzyn.

Czerënk zwiedzaniô:

1. Hôwinga pasażersczich bôtów
   
2. Bùnker ë òbserwacyjnô wieża
   
3. Placówka „Fort”
   
4. Czołg t-34
   
5. Smãtôrz Òbróńców – môl niejistniejący Wachtownie nr V
   
6. Wachtowniô nr I
   
7. Gruzgòtë Nowi Kasarë
   
8. Òstałoscë pò „Willi Podoficerskiej” – Wachtownie nr III
   
9. Plac przed kòpcã kòle zniczów
10. Kòpc – Pòmnik Òbróńców Wëbrzeża

 

Adresë starnów www, namienioné témie Westerplatte:

• www.westerplatte.pl
• www.westerplatte.org
• www.bas.tpf.pl
• www.mhmg.pl

Przërëchtowanié: Jarosław Żurawiński
Òdjimczi: Jarosław Żurawiński, Gabriela Schlahs, Kosycarz Foto Press KFP